PROIEKTUAK
ANIZTASUNEAN BIZIKIDETZA ANTIARRAZISTA ETA FEMINISTARAKO GAKOAK: ERBESTEAN DAUDEN EMAKUMEEN AHOTSAK
Aldizkari hau EREI elkarteak 2024an kulturarteko bizikidetzari buruz aurrera eramandako ikerketa lanaren emaitza da. Ikerketa proiektu hau burutzeko, Grezian, Alemanian, Frantzian eta Euskal Herrian erbestean bizi diren lau emakume afganiarren partehartze eta lana ezinbestekoak izan dira. Emakume hauek erbestean dauden beste emakume batzuekin, gehienak Afganistangoak, harremanetan jarri eta hauek elkarrizketatu dituzte kulturarteko bizikidetzaren inguruan beraien ahotsak eta esperientziak jasotzeko helburuarekin. Lan hau Gipuzkoako Foru Aldundiaren kofinantzazioaren bitartez eraman dugu aurrera.
ERREALITATE MIGRATZAILEAK EZAGUTZEN PODCAST-A
Errealitate Migratzaileak Ezagutzen podcastak Oñatin (Gipuzkoa, Euskal Herria) bizi diren pertsona errefuxiatu eta migratzaileen ahotsak euskaraz (itzulita) eta gazteleraz (ahots originalak) jasotzen ditu. Bertan, pertsona migratzaileen errealitateak partekatuko dira lehenengo pertsonan, beraiek bizitako esperientzietan oinarrituta, eta genero-ikuspegi batetik. Migrazio-prozesuetan pairatzen diren giza eskubideen urraketari buruz ere hitz egingo digute.
Podcast hau EREI Elkartasunerako Elkarteak ekoitzi du, Gipuzkoako Foru Aldundiaren eta Oñatiko Udalaren finantzaketari esker, eta Oñati Irratiaren laguntzarekin.
Elena Yaqubee, Alemanian bizi den emakume eta abeslari afganiarra.
ERBESTEAN DAUDEN EMAKUME AFGANIARREN AHOTSAK
Europako harrera-herrialde nagusia den Alemanian bizi diren emakume afganiarrak protagonista dituzten lau bideo aurkezten ditugu. Bideo hauek Gipuzkoako Foru Aldundiaren dirulaguntzaren kofinanziazioaren bitartez egin ditugu.
ASILO-PROZESUAREN ERRONKAK EUROPAKO HARRERA-HERRIALDE NAGUSIETAN: JATORRIA ETA ERANTZUNAK
Europako harrera-herrialde nagusietako, hots, Alemania eta Frantziako, errealitate migratzaileak aztertu ditugu pertsona migratuei egindako elkarrizketa pertsonalen bitartez, lehenengo pertsonan eta genero ikuspuntu eta ikuspuntu global batetik. Herrialde hauetan pertsona migratuek dituzten erronkak ikusarazteaz gain, jatorrizko herrialdeen errealitatea eta erronkei aurre egiteko sortzen diren aktibismo eta proiektuak ezagutaraztea da ikerketaren helburua. Lan hau Gipuzkoako Foru Aldundiaren kofinantzazioaren bitartez eraman dugu aurrera.
GREZIAKO ERREALITATE MIGRATZAILEAK
Greziako errealitate migratzaileak lehenengo pertsonan eta genero-ikuspegi batetik ezagutu eta ikusarazteko helburuarekin ikerketa lan bat burutu dugu Gipuzkoako Foru Aldundiaren dirulaguntzaren kofinanziazioaren bitartez. 2022ko otsaila eta martxoan aurrera eramandako ikerketa lan honen emaitzak aldizkari batean bildu eta argitaratu ditugu.
Erretako Moria kanpamentuan, Lesbos. Argazkia: Daniel John.
LEHENENGO PERTSONAN
Espazio hau prozesu migratzailean dauden pertsonek lehenengo pertsonan bizi duten errealitateari buruz elkarbanatu nahi dutena jasotzeko txoko ireki bat da.
Nahi dutena, desio duten eran adierazteko espazio irekia.
Oñatiko Txantxiku Ikastolan. Argazkia: Egoitz Atxaga.
ESKOLETAN
EREI gizartea eraldatzeko hezkuntza proiektuetan lanean ari da eskoletan, Europako mugetan aurkitzen diren beste GKE batzuekin elkarlanean. Zuzeneko online konexioak egiten ditugu Europako mugetan harrapaturik dauden pertsonekin eta bertan lanean ari diren GKE-ekin, ikasleek pertsona errefuxiatu eta migratzaileen errealitatea ezagutzeko aukera izan dezaten.
Zure eskolan era honetako ekintza bat antolatu nahi baduzu, jar zaitez gurekin harremanetan:
Bertan podcast-ak ingelesez eta farsiz entzuteko aukera izango duzu.
PODCAST-ak LESBOSETIK
Latitude Adjustment Podcast Academy proiektuarekin elkarlanean, Lesbos-en bizi diren pertsona errefuxiatuek lehenengo pertsonan kontatutako istorioen podcast-ak euskara eta gaztelaniara itzuli eta hizkuntza hauetan grabatzen ari gara, Gipuzkoako Foru Aldundiaren dirulaguntzaren bitartez eta Oñati Irratiaren babesarekin.
Latitude Adjustment Podcast eta EREI-ren arteko elkarlan honek lau atal euskaraz eta lau gaztelaniaz eskainiko ditu.